Fuqaha e Sahaba

Assalamu alaikum,

Aapne Suna hoga ke Taqleed agar Achi cheez hoti to Sahaba bhi karte the, Sahaba kisi ki taqleed nahi karte the isliye Hum bhi nahi karte hain.

Allama Ali Bin Almadeeni rah jo Imam Bukhari ke Ustaad hain ne apni Ilal me Sahaba ke mazaahib ko zikr kiya hai ke unme se 3 Sahaba aise the jinke Apne Mazaahib yani Maslak hote the aur degar unhi ke Maslak par ya unhi ke fatwe par fatwa dete the. Masrooq rahmatullahi aliah ka Qaul bhi naqal kiya hai ke Sahaba ke Ilm ki inteha sirf 6 Sahaba me thi. Un Sahaba ko Fuqaha e Sahaba kaha jata hai.

Is Tafseel ye Maloom hua ke Faqeeh o Mujtahid ki Taqleed har waqt rahi hai, aap naam use jo chahe delen lekin Jo Mujtahid na Ho US par Taqleed Laazim hoti hai.

Ab hum Ali Bin Al Madeeni rahmatullahi alaih ka mukhtasar taruf aur Unki Kitab Ilal se Hamari baat pesh karte hain.

***Ali Bin Al Madeeni  rahmatullahi alaih Basrah me 161 Hijri me paida hue aur Ap ki wafaat 234 Hijri me hui.

***Imam Bukhari Rahmatullahi alaih farmate hain ke “Main Kisi ke Saamne Khud ko CHota nahi samajhta siwaye Ali Bin Al-Madeeni ke”(Tareekhe Baghdad 11/463)

Imam Bukhari ke Ustaad Ali Bin Al-Madeeni Apni Kitab Al-Ilal me tehreer farmate hain:

11. Masrooq rah ne farmaya: Maine Ashaab e Muhammad ﷺ ko Jaancha to maine Unka Ilm ki inteha 6 logon ke paas paayi Unme se “Omer,Ali,Abdullah,Abu Dardaa,Ubai Bin Ka’ab aur Zaid Bin Sabit Razi Allahu anhum hain phir Maine in 6 Sahaba Razi Allahu anhum ko jaancha to maine Unke Ilm ki Inteha Ali Aur Abdullah Bin Masood Razi Allahu anhum me paayi.

Aage chal kar likhte hain:

14.“Ashaab e Rasool ﷺ me nahi the Jinko Rasool ﷺ ki Sohbat mili thi Jo Apna Mazhab Banate aur Khud ka Fatwa dete aur Apne tareeqe par chalet Siwaye 3 ke yani Abdullah Bin Masood Razi Allahu anhu, Zaid Bin Sabit Razi Allahu anhu aur Abdullah Bin Abbas Razi Allahu anhu.

15.Chunanche Abdullah Bin Masood Razi Allahu anhu ke Ashaab Jo unhi ke fatwe par Fatwa dete the aur Unhi ki Qirat karte the wo ye hain Alqama Bin Qais, Aswad Bin Yazeed,Masrooq,Ubaida Salmani,Haris Bin Qais aur Amr bin Shurahbeel.

(Al-Ilal LiIbne Madeeni 42)

Scan:

Aage Chal kar likhte hain:

29.Ashaab e Muhammad ﷺ me se koi nahi the ke jinke Ashaab hote jo unke Fiqh me Unke Qaul par Fatwa dete siwaye 3 ke: Abdullah Bin MAsood,Zaid Bin Sabit aur Abdullah Bin Abbas razi Allahu anhum. Inme se Har ek ke Ashaab the Jo Inke Qaul par Amal karte the aur Logon ko Fatwa dete the.

(Al-Ilal LiIbne Madeeni 45)

Is se Maloom hua ke Sahaba razi Allahu anhum me bhi 2 Qism ke tabqe hote the 1 unka jo Faqeeh o Mujtahid hote the aur doosre Unka Jo Un Fuqahae Sahaba se Masla daryaft kar ke Us par Amal karte the.

Note: Agar koi Ye Ishkaal kare ke phir Sahaba ki Taqleed kyu nahi karte to uska Mukhtasar Jawab ye ke Unke Mazaahib Mudawwan(Compile) nahi hue, Jiski wazahat Imam An Nawawi ne Apni Kitab Al Majmoo Sharah Muhazzab 1/92 me kardi hai.

FBS

Blind Following

Those who say Taqleed is Haram or Bid'ah or else.
you will find them following blindly Shaykh Saleh al-Fawzaan, Shaikh Ibn Uthaimin,Ibn e Taimiah, Ibn e Qayyim (rahimahumullah)..........
Just watch them carefully, you will find more of these type of things

Taqleed Ki Haqeeqat

Taqleed Ki Haqeeqat

Jab Ye Baat Sabit Hogayi Keh Tamam Shariyat Ki Jad Hi Guzashtah Badon Par Aetemad O Aetebar Hai To Ab Taqleed Ka Ma’ina Samajhna Aasan Hogaya Ke Kisi Aadmi Ka Kisi Rehnumaye Deen Ke Qaul O Fael Ko Mahez Husn E Zann Ki Binaa Par Tasleem Kar Ke Amal Karlena Aur Apne Tasleem O Amal Ko Us Buzrug Ki Daleel Maloom Hone Tak Multawi Na Karna.

Maulana Qazi Muhammad Aalaa Sahib Thanwi Rahmatullahi Alaih Farmate Hain:

التقليد اتباع الانسان غيره فيما يقول او يفعل معتقدا للحقيقة من غير نظر الي الدليل كان هذا المتبع جعل قول الغير او فعله قلادة في عنقه من غير مطالبة دليل (كشاف اصطلاحات الفنون والعلوم)

Tarjumah: Taqleed Insan Ka Apne Ghair Ki Itteba Karna Us Ke Qaul Ya Fael Me Use Haq Samajhte Hue Daleel Par Nazar Kiye Baghair Goya Us Muttabe Ne Ghair Ke Qaul Ya Fael Ko Bila Kisi Daleel Ke Mutalabeh Ke Apni Garden Ka Haar Bana Liya.

(Kashshaf Istelaahatul Funoon Safha 116)

Naami Sharah Husaami Ke Andar hai

التقليد اتباع الغير علي انه محق بلا نظر في الدليل

Tarjumah: Taqleed Ghair Ki Itteba Karna Us Ke Barhaq Hone Ke Gumaan Par Bila Kisi Daleel Ke Mutalabeh Ke.

(Naami Sharah Husaami 190)

Dono Tareefon Ka Haasil Yahi Hai Keh Mujtahid Ke Qaul O Fael Ko Maloom Kar Ke Mahez Husn E Zann Aur Aqeedat Ki Binaa Par Tasleem Aur Amal Kare, Aur Tasleem O Amal Ke Waqt Mujtahid Ki Daleel Ki Fikr Na Kare Aur Na Is Se Daleel Talab Kare Khwah Baad Me Wahi Daleel Maloom Hojaye Jo Mujtahid Ke Pesh E Nazar Thi Ya Apne Mutalaee Aur Tehqeeq Se Us Masle Ke Bhot Se Dalail Maloom Hojayen To Ye Maloom Hojana Taqleed Ke Khilaf Nahi Hai. Taqleed Ke Mafhoom Me Amal Karte Waqt Aur Tasleem Karte Waqt Daleel Ka Mutalebah Na Karna Dakhil Hai Lekin Daleel Na Hona Ya Daleel Ka Ilm Na Hona Ye Mafhoom Taqleed Me Dakhil Nahi Hai Lihaza Baaz Logon Ka Ye Kehna Ke Taqleed Lawazim E Jahalat Me Hai Saheeh Nahi Hai.

Buzrugon Par Aetmad Karna Hi Asal Shariyat Hai

Buzrugon Par Aetmad Karna Hi Asal Shariyat Hai

Apne Aslaaf Par Aetemad Karna Aur Un Ke Sath Husn E Zann Ka Ma’mla Rakhna Wo Daulat Hai Jis Ke Sadqe Me Aaj Taj Deen Apni Saheeh Shakhl Me Hamare Hathon Me Mehfooz Hai Isi Baat Ko Hazrat Shah Wali Ullah Dehlawi Rahmatullahi alaih Ne Iqd Ul Jeed Me Bayan Farmaya Hai

أَن الْأمة اجْتمعت على أَن يعتمدوا على السّلف فِي معرفَة الشَّرِيعَة فالتابعون اعتمدوا فِي ذَلِك على الصَّحَابَة وَتبع التَّابِعين اعتمدوا على التَّابِعين وَهَكَذَا فِي كل طبقَة اعْتمد الْعلمَاء على من قبلهم وَالْعقل يدل على حسن ذَلِك لِأَن الشَّرِيعَة لَا تعرف إِلَّا بِالنَّقْلِ والإستنباط وَالنَّقْل لَا يَسْتَقِيم إِلَّا بِأَن تَأْخُذ كل طبقَة عَمَّن قبلهَا بالإتصال.

(عقد الْجيد فِي أَحْكَام الإجتهاد والتقليد)

Tarjumah: “Ma’rifat E Shariyat Me Tamam Ummat Ne Bil Ittefaq salaf e Guzashta Par Aetemad Kiya Hai Chunancheh Tabaeen Ne Sahaba Kiram Aur Tabe Tabaeen Ne Tabaeen Par Aetemad Kiya Isi Tarah Baad Wale Ulama Apne Mutaqaddimeen Par Aetebar Karte Aaye . Aur Aql E Saleem Bhi Is Ko Acha Samajhti Hai Kyun Keh Shariyat Baghair Naqal Aur Istimbaat Ke Maloom Nahi Hosakti Aur Naqal Usi Waqt Saheeh Hogi Jab Baad Wale Pehlon Se Ittesaal Ke Sath Lete Chale Aayen.”

(Iqdul Jeed Safha 40)

Scan:

          Khateeb Baghdadi Ne “Al Faqeeh Wal Muttafaqqih” Me Ijtehad O Taqleed Ki In Zarooriyaat Ko Badi Wazahat Ke Sath Bayan Kiya Hai Chunancheh Likhte Hain:

          وَالْأَحْكَامُ عَلَى ضَرْبَيْنِ عَقْلِيٍّ وَشَرْعِيٍّ، فَأَمَّا الْعَقْلِيُّ: فَلَا يَجُوزُ فِيهِ التَّقْلِيدُ , كَمَعْرِفَةِ الصَّانِعِ تَعَالَى وَصِفَاتِهِ وَمَعْرِفَةِ الرَّسُولِ صَلَّى اللهُ عَلَيْهِ وَسَلَّمَ وَصِدْقِهِ , وَغَيْرِ ذَلِكَ مِنَ الْأَحْكَامِ الْعَقْلِيَّةِ وَحُكِيَ عَنْ عُبَيْدِ اللَّهِ بْنِ الْحَسَنِ الْعَنْبَرِيِّ أَنَّهُ قَالَ: يَجُوزُ التَّقْلِيدُ فِي أُصُولِ الدِّينِ وَهَذَا خَطَأٌ لِقَوْلِ اللَّهِ تَعَالَى: {اتَّبِعُوا مَا أُنْزِلَ إِلَيْكُمْ مِنْ رَبِّكُمْ وَلَا تَتَّبِعُوا مِنْ دُونِهِ أَوْلِيَاءَ قَلِيلًا مَا تَذَكَّرُونَ} [الأعراف: 3] وَقَالَ اللَّهُ تَعَالَى: {وَإِذَا قِيلَ لَهُمُ اتَّبِعُوا مَا أَنْزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَ} [البقرة: 170]........

.

وَأَمَّا الْأَحْكَامُ الشَّرْعِيَّةُ , فَضَرْبَانِ: أَحَدُهُمَا: يُعْلَمُ ضَرُورَةً مِنْ دِينِ الرَّسُولِ صَلَّى اللهُ عَلَيْهِ وَسَلَّمَ كَالصَّلَوَاتِ الْخَمْسِ , وَالزَّكَوَاتِ , وَصَوْمِ شَهْرِ رَمَضَانَ , وَالْحَجِّ , وَتَحْرِيمِ الزِّنَا وَشُرْبِ الْخَمْرِ , وَمَا أَشْبَهَ ذَلِكَ، فَهَذَا لَا يَجُوزُ التَّقْلِيدُ فِيهِ , لِأَنَّ النَّاسَ كُلَّهُمْ يَشْتَرِكُونَ فِي إِدْرَاكِهِ , وَالْعِلْمِ بِهِ , فَلَا مَعْنَى لِلتَّقْلِيدِ فِيهِ وَضَرْبٌ آخَرُ: لَا يُعْلَمُ إِلَّا بِالنَّظَرِ وَالِاسْتِدْلَالِ: كَفُرُوعِ الْعِبَادَاتِ , وَالْمُعَامَلَاتِ , وَالْفُرُوجِ , وَالْمُنَاكَحَاتِ , وَغَيْرِ ذَلِكَ مِنَ الْأَحْكَامِ , فَهَذَا يُسَوَّغُ فِيهِ التَّقْلِيدُ , بِدَلِيلِ قَوْلِ اللَّهِ تَعَالَى: {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43] وَ أَمَا مَنْ يَسُوغُ لَهُ التَّقْلِيدُ فَهُوَ الْعَامِّيُّ: الَّذِي لَا يَعْرِفُ طُرُقَ الْأَحْكَامِ الشَّرْعِيَّةِ , فَيَجُوزُ لَهُ أَنْ يُقَلِّدَ عَالِمًا , وَيَعْمَلَ بِقَوْلِهِ , قَالَ اللَّهُ تَعَالَى: {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43]

عَمْرَو بْنَ قَيْسٍ , يَقُولُ فِي قَوْلِ اللَّهِ تَعَالَى: {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43] , قَالَ: «أَهْلُ الْعِلْمِ»

عَنِ ابْنِ عَبَّاسٍ: أَنَّ رَجُلًا , أَصَابَهُ جُرْحٌ فِي عَهْدِ رَسُولِ اللَّهِ صَلَّى اللهُ عَلَيْهِ وَسَلَّمَ يَعْنِي: فَاحْتَلَمَ فَأُمِرَ بِالِاغْتِسَالِ , فَاغْتَسَلَ فَمَاتَ , فَبَلَغَ ذَلِكَ النَّبِيَّ صَلَّى اللهُ عَلَيْهِ وَسَلَّمَ , فَقَالَ: «قَتَلُوهُ قَتَلَهُمُ اللَّهُ , إِنَّ شِفَاءَ الْعِيِّ السُّؤَالُ» الخ

وَلِأَنَّهُ لَيْسَ مِنْ أَهْلِ الِاجْتِهَادِ فَكَانَ فَرْضُهُ التَّقْلِيدَ , كَتَقْلِيدِ الْأَعْمَى فِي الْقِبْلَةِ , فَإِنَّهُ لَمَّا لَمْ يَكُنْ مَعَهُ آلَةُ الِاجْتِهَادِ فِي الْقِبْلَةِ , كَانَ عَلَيْهِ تَقْلِيدُ الْبَصِيرِ فِيهَا

(الفقيه و المتفقه)

 (Al Faqeeh Wal Muttafaqh Jild 2 Safha 128 Matbooah Daaar Ibnul Jauziyah)

Tarjumah: Ahkaam Ki 2 Qismen Hain: (1) Aqli Aur (2)Shar’ii

          Aqli Ahkaam Me Taqleed Jayaz Nahi Hai Jaise Saane’ Aalam Aur Uski Sifaat Ki Marifat,  Is Tarah Rasoolullah Sallallahu Alaihi Wasallam Aur Aap Ke Sache Hone Ki Marifat Waghairah Ubaidullah Hasan Ambari Se Manqool Hai Keh Wo Usool E Deen Me Bhi Taqleed Ko Jayaz Kehte The. Lekin Ye Ghalat Hai Is Liye Keh Allah Ta’ala Farmate Hain “Tumhare Rab Ki Janib Se Jo Wahii Aayi Usi Par Amal Karo Us Ke Ilawah Doosre Auliaa Ki Itteba’ Na Karo Kis Qadr Kam Tum Log Naseehat Hasil Karte Ho” Isi Tarah Allah Ta’ala Farmate Hain “Jab Un Logon Se Kaha Jata Hai Keh Allah Ki Utaari Hui Kitab Ki Itteba Karo To Woh Log Kehte Hain: Nahi Hum Us Cheez Ki Itteba Karenge Jis Par Hum Ne Apne  Baap O Dada Ko Paya Hai Chahe Un Ke Baap O Dada Be Aqal Aur Be Hidayat Hon.”

Doosri Qism Ahkaam E Shar’iyah , Aur Unki 2 Qismen Hain.

(1) Deen Ke Wo Ahkaam Jo Wazahat O Sarahat Ke Sath Maloom Hon. Jaise Roza ,Namaz, Haj , Zakat Isi Tarah Zina Aur Sharab Ka Haram Hona Waghaira To In Me Taqleed Jayaz Nahi hai, Kyun Keh In Ke Jaanne Me Saare Log Barabar Hain Is Liye In Me Taqleed Ka Koi Ma’ina Nahi.

(2) Deen Ke Wo Ahkaam Jin Ko Nazar O Istedlal Ke Baghair Nahi Jana Jasakta Jaise Ibadaat, Ma’mlaat, Nikah Waghairah Ke Firoi Masael To In Me Taqleed Karni Hai Allah Ta’ala Ke Qaul فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ Ki Daleel Se. Aur Wo Log Jin Ko Taqleed Karni Hai woh Hazraat Hain Jin Ko Ahkaam E Shar’iyah Ke Istimbaat Ke Tareeqe  Maloom Nahi Hain To Un Ke Liye Kisi Aalim Ki Taqleed Aur Us Ke Qaul Par Amal Kiye Baghair Chaarah Nahi Hai. Allah Ta’la Ka Irshad Hai Ahle Ilm Se Maloom Karo Agar Tum Ko Maloom Nahi…………..

Ibne Abbas Razi Allahu  Anhu Se Marwi Hai Keh Ek Aadmi Huzoor Sallallahu Alaihi Wasallam Ke Daur E Mubarak Me Zakhmi Hogaye Phir Unhe Ghusl Ki Hajat Hogayi Logon Ne Unhe Ghusl Karne Ka Hukm De Diya Jis Ki Wajeh Se Un Ki Maut Hogayi, Is Ki Ittela Nabi Kareem Sallallahu Alaihi Wasallam Ko Hui To Aap Sallallahu Alaihi Wasallam Ne Farmaya Khuda Un Ko Barbaad Kare Un Logon Ne To Us Bechare Ko Qatl Kardiya. Aajiz Reh Jaane Wale Ki Kamiyabi Sawal Kar Lene Hi Me Hai.

          Doosri Is Ki Daleel Ye Hai Ke Ye Shakhs Ahl E Ijtehad Me Se Nahi Hai To Us Par Taqleed Hi Farz Hai. Jaise Andha Jab Us Ke Paas Zarye Ilm Nahi Hai To Qibleh Ke Silsile Me Us Ko Kisi Dekhne Wale Ki Baat Maanni Hogi.

(Al faqeeh awl mutafaqqih by Khateeb Baghdadi jild 2 safha 128+)

Taqleed Ka Wujoob Aur Uski Zaroorat

Bismillahir Rahmaanir Raheem

Taqleed Ka Wujoob Aur Uski Zaroorat

Is Amr Se Kisi Musalman Ko Ikhtelaf Nahi Hosakta Keh Deen O Shariayt Ki Hifazat Intehai Zaroori Aur Wajib Hai. Kyun Keh Deen Ki Hifazat Ke Baghair Insaan Na To Deen Par Chal Sakta Hai Aur Na Hi Un Kamiyabiyon Ko Hasil Karsakta Hai Jin Ki Taraf Deen Le Jata Hai. Yahi Wajeh Hai Keh Quran O Hadees Me Baar Baar Deen Aur Umoor E Deen Ki Hifazat Ki Takeed O Talqeen Ayi Hai. Deen Ke Wo Ma’amlaat Jin Ka Sarahat Aur Wazahat Ke Sath Kitab O Sunnat Me Hukm Aya Hai Unko Wajib Biz Zaat Kehte Hain. Isi Tarah Baaz Wo Wajibaat Hote Hain Keh Kitab O Sunnat Se Wajib Qarar Diye Hue Aamal Par Amal Karna Un Ke Baghair Mumkin Nahi Hosakta. Chunkeh Wo Wajib Ki Adaigi Ka Muqaddamah Aur Zarya Bante Hai Aur Ye Shar’ii Zaabtah Hai Keh Wajib Ka Muqaddamah Bhi Wajib Hota Hai Aur Ye Zabtah Muslim Shareef  Ki Is Hadees Se Bhi Sabit Hota Hai.

عَن عُقْبَةَ بْنِ عَامِرٍقَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسلم  يقولُ: «مَنْ علِمَ الرَّميَ ثمَّ تَرَكَهُ فَلَيْسَ مِنَّا أَوْ قَدْ عَصَى» . رَوَاهُ مُسلم (مشکوۃ المصابیح)

Tarjuma: Uqbah Bin Amer razi Allahu anhu Kehte Hain Keh Maine Nabi Kareem Sallallahu Alaihi Wasallam Se Suna Hai Keh

“Jo Shakhs Teer Andazi Seekh Kar Chord De Wo Hum Se Khaarij Hai Ya Ye Farmaya Keh Wo Gunahgaar Hai.”

(Rawahu Muslim, Mishkat Shareef Safha 38)

Faidah: Zaahir Hai Keh Teer Andazi Koi Ibadat E Maqsoodah Nahi Hai Magar Chunkeh Bawaqt E Zaroorat Ek Wajib Yani E’laa E Kalimatillah Ka Muqaddamah Hai Is Liye Us Ke Tark Karne Par Wa’eed Farmayi Jo Us Ke Wajib Hone Ki Alamat Hai To Is Hadees Se Sabit Hua Keh Wajib Ka Muqaddamah Bhi Wajib Hota Hai. Shariyat Me Is Ki Bhot Si Misalen Hain Maslan Quran E Kareem Aur Ahadees E Shareefah Ko Jama Kar Ke Likhne Ki Kitab O Sunnat Me Kahin Bhi Takeed Nahi Aayi Hai Lekin Inke Mehfooz Rakhne Zaa’ye Hone Se Bachane Ki Zabardast Takeed Aayi Hai Aur Tajurbe Aur Mushahadeh Se Maloom Hai Kitabat Ke Baghair In Ka Mehfooz Rehna Aadatan Mumkin Nahi , Is Liye Quran O Hadees Ki Kitabat Ko Zaroori Samjha Jayega Chunacheh Is Ke Wajib Aur Zaroori Hone Par Poori Ummat Ka Dalalatan Ijmaa Hai Is Qism Ke Wajib Ko Wajib Bilghair Kehte Hain.

Taqleed E Shakhsi Ka Wajib Hona Bhi Isi Qubail Se Hai Kyun Keh Deen Ki Hifazat Jo Har Musalman Par Farz O Wajib Hai Wo Khairul Quroon Ke Baad Taqleed E Shakhsi Ke Bagahir Mumkin Nahi Hai , Taqleed Na Karne Se Deen Ke Beshumaar Umoor Balkeh Poore Deen Me Zabardast Khalal Waqe’ Hota Hai Is Haqeeqat Ko Wazahat Ke Sath Yun Samjhye Keh Masael E Fir’Iyyah Do Qism Ke Hote Hain

(1)Ek Wo Jin Ka Saboot Aisi Aayat  Kareemah Ya Ahadees E Saheehah Se Sarahatan Hota Hai Jin Me Bazaahir Na To Koi Ta’aruz Hota Hai Aur Na Hi Wo Kayee Ma’aani Aur Wujooh Ka Ahtmal Rakhti Hain Balkeh Masael Par In Ki Dalalat Qat’ii Aur Hatmii Hoti Hai . Aise Masael Ko Mansoosah Ghair Muta’arizah Kehte Hain Is Tarah Ke Masael Me Kisi Bhi Mujtahid Ke Liye Ijtehad Karna Jayaz Nahi Kyun Keh Ijtehad Ki Sharait Me Se Hai Keh Wo Hukm Sarahatan Sabit Na Ho Aur Jab In Masael Me Ijtehad Nahi To In Masael Me Kisi Ki Taqleed Bhi Nahi Hai.

(2) Doosri Qism Un Masael Ki Hai, Jin Ka Saboot Wazahat Ke Sath Kisi Aayat Aur Hadees Me Nahi Milta. Ya Agar Saboot Paya Jata Hai To Wo Ayat Aur Hadees Aur Bhi Ma’aani Aur Wujooh Ka Ahtemal Rakhti Hai. Ya Kisi Doosri Aayat Ya Hadees Se Bazaahir Muta’aariz Maloom Hoti Hai. Aise Masael Ko Masael E Ijtehadiyah Kehte Hain Aur In Ka Saheeh Hukm Mujtahid Ke Ijtehad Hi Se Maloom Ho Sakta Hai. Woh Shakhs Jo Apne Andar Ijtehad Ki Quwwat Nahi Rakhta, Agar In Masael Me Raaye Zani Karne Lage To Nafsani Khwahishaat Ke Phandon Me Ulajh Kar Reh Jayega. Is Liye Zaroori Hua Keh Ummat Ke Baaz Afraad Ko Aisi Quwwat E Istimbaat O Ijtehad Ataa Ki Jaye Jis Ke Zarye Wo Nusoos Kitab O Sunnat Me Ghaur O Fikr Kar Ke Masael E Ghair Mansoosah Ke Ahkaam Hasil Kar Ke Aam Ummat Ke Samne Pesh Karde Taakeh Un Ke Liye Deen Par Amal Ka Rasta Be Khatr Aur Aasan Hojaye, Sahaba Rizwanullahi Alaihim Ajma’een Me Se Wo Hazraat Jo Hama Waqt Darbar E Nabawi Ke Haazir Baash The Unhe Is Quwwat E Ijtehad Se Kaam Leni Ki Zaroorat Nahi Thi Kyun Keh Un Ke Liye Janab Rasoolullah Sallallahu Alaihi Wasallam Ki Zaat E Girami Hi Har Mas’leh Ka Hal Aur Har Sawal Ka Kaafi O Shaafi Jawab Thi.

Aye Liqaaye Tu Jawab Har Sawal

Mushkil Az Tu Hal Shud Be Qeel O Qaal

Is Liye Wo Har Baat Huzoor Sallallahu Alaihi Wasallam Se Baraah E Raast Maloom Karsakte The, Magar Wo Hazraat Jo Us Daur E Mubarak Me Darbar E Nabawi Se Baher Qiyaam Pazeer The Ya Wo Hazraat Jo Baad Me Halqah Bagosh E Islam Hue Ya Wo Hazraat Jo Baad Me Paida Hue Wo Is Quwwat E Ijtehad Ke Had Darjeh Mohtaj The Kyun Keh Un Ke Deen Ki Hifazat Hi Is Qism Ke Masael E Ijtehadiyah Me Isi Ijtehad Ke Zarye Hosakti Thi. Is Liye Khuda E Raheem O Kareem Ne Beshumar Sahaba E Kiram , Tabaeen E Uzaam, Tabe’ Tabaeen Aur Baad Walon Ko (Rizwanullahu Alaihim Ajmaeen) Is Daulat E Ijtehad Se Sarfaraz Farmaya.

Janab Rasoolullah Sallallahu Alaihi Wasallam Ne Hazrat Muaz Bin Jab Razi Allahu Anhu Ko Yemen Bhejte Hue Saaf Lafzon Me Nemat E Ijtehad Ki Taayeed O Tehseen Aur Us Par Apni Masarrat Ka Izhar Farmaya Abu Dawood Shareef Ki Riwayat Me Hai

عَنْ مُعَاذِ بْنِ جَبَلٍ: أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَمَّا بَعَثَهُ إِلَى الْيَمين قَالَ: «كَيْفَ تَقْضِي إِذَا عَرَضَ لَكَ قَضَاءٌ؟» قَالَ: أَقْضِي بِكِتَابِ اللَّهِ قَالَ: «فَإِنْ لَمْ تَجِدْ فِي كِتَابِ اللَّهِ؟» قَالَ: فَبِسُنَّةِ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ: «فَإِنْ لَمْ تَجِدْ فِي سُنَّةِ رَسُولِ اللَّهِ؟» قَالَ: أَجْتَهِدُ رَأْيِي وَلَا آلُو قَالَ: فَضَرَبَ رَسُولِ اللَّهِ صَلَّى اللَّهُ عَلَيْهِ وَسَلَّمَ عَلَى صَدْرِهِ وَقَالَ: «الْحَمْدُ لِلَّهِ الَّذِي وَفَّقَ رَسُولَ رَسُولِ اللَّهِ لِمَا يَرْضَى بِهِ رَسُولُ اللَّهِ» . رَوَاهُ التِّرْمِذِيّ وَأَبُو دَاوُد

Tarjumah: Hazrat Muaz Bin Jabl Razi Allahu Anhu Se Riwayat Hai Keh Jab Rasoolullah Sallallahu Alaihi Wasallam Ne Un Ko Yemen Bheja To Farmaya

“Jab Koi Qizya Pesh Aaye To Kis Tarah Faisla Karoge, Arz Kiya Kitabullah Ke Mutabiq Faisla Karunga, Apne Farmaya “Agar Wo Masla Kitabullah Me Na Mile To?” Arz Kiya “Rasoolullah Sallallahu Alaihi Wasallam Ki Sunnat Ke Mutabiq Faisla Karunga.” Ap Sallallahu Alaihi Wasallam Ne Farmaya “Agar Kitabullah Aur Sunnat E Rasoolullah Sallallahu Alaihi Wasallam Dono Me Na Mile To? Arz Kiya “Us Waqt Apni Raaye Se Faisla Karunga Aur (Haq Tak Pohanchne Ki Koshish Me) Koi Kotahi Nahi Karunga” Is Par Aanhazrat Sallallahu Alaihi Wasallam Ne Hazrat Muaz Razi Allahu Anhu Ke Seene Par Hath Maara Aur Farmaya Allah Ka Shukr Hai Keh Us Ne Apne Rasool Ke Qaasid Ko Is Baat Ki Taufeeq Di Jis Se Allah Ka Rasool Raazi Hai.”

(Abu Dawood Shareef Safha 149, Mishkat Safha 324)

Algharz! Daur E Sahaba Kiram Razi Allahu Anhum Se Hi Hazraat E Mujtahideen Ne Masael E Shar’iyyah Ghair Mansoosah Me Ijtehad Ka Silsilah Shuru Farmaya. Aur Jo Hazraat Rutbae Ijtehad Tak Nahi Pohanch Sakte The Unho Ne Ye Yaqeen Kar Ke Keh Ye Hazraat E Mujtahideen Ilm O Taqwah Fahem O Firasat Deen O Diyanat Aur Taufeeq E Ilahi Se Sarfaraz Hone Me Hum Se Badhe Hue Hain Aur Unho Ne Bazarye Ijtehad Jo Kuch Maloom Kiya Hai Wo Dar Haqeeqat Ya To Rasoolullah Sallallahu Alaihi Wasallam Ki Wo Ahadees Hain Jo Bagharz Ikhtesaar Mauqoof Kardi Gayi Hain Ya Saheeh Istimbataat Hain Jo Nusoos Kitab O Sunnat Se Liye Gaye Hain Is Liye Woh Baherhaal Qaabil E Itteba Hain. Is Bina Par Amal Karna Shuru Kardiya.

Hazrat Shah Wali Ullah Muhaddis Dehlawi Rahmatullahi Alaih Alinsaaf Me Farmate Hain

ويستدل بأقوال الصَّحَابَة وَالتَّابِعِينَ علما مِنْهُم أَنَّهَا إِمَّا أَحَادِيث منقولة عَن رَسُول الله صلى الله عَلَيْهِ وَسلم اختصروها فجعلوها مَوْقُوفَة الی ان قَالَ أَو يكون استنباطا مِنْهُم من النُّصُوص أَو اجْتِهَادًا مِنْهُم بآرائهم وهم أحسن صنيعا فِي كل ذَلِك مِمَّن يَجِيء بعدهمْ وَأكْثر إِصَابَة وأقدم زَمَانا وأوعى علما فَتعين الْعَمَل بهَا.( الإنصاف في بيان أسباب الاختلاف)
Tarjumah: Aur (Tabe Tabaeen) Sahaba Kiraam Aur Tabaeen Ke Aqwaal Se Istidlal Kiya Karte The Kyun Keh Wo Ye Jante The Keh Ye Aqwaal Ya To Ahadees Hain Jo Manqool Hain Rasoolullah Sallallahu Alaihi Wasallam Se Jin Ko Mukhtasar Kar Ke Mauqoof Bana Liya Hai Ya Ye Aqwaal Hukm E Mansoos Se Hazraat Sahaba O Tabaeen Ke Istembaat Hain Ya Un Ki Rayon Se Bataur e Ijtehad Liye Gaye Hain Aur Hazraat E Sahaba Kiram Razi Allahu Anhum Aur Tabaeen In Sab Baton Me Un Logon Se Behter Hain Jo Un Ke Baad Me Hue. Sehat Tak Pohanchne Me Aur Zamane Ke Aetebar se Peshtar Aur Ilm Ke Lihaz Se Badh Kar Hain Is Liye Unke Aqwaal Par Amal Karna Mutayyan Hua.

امام ابو حنیفہؒ پیدا ہی مجتہد ہوئے تھے یا کچھ پڑھ کر مجتہد بنے تھے؟

سوال:۔
امام ابو حنیفہؒ پیدا ہی مجتہد ہوئے تھے یا کچھ پڑھ کر مجتہد بنے تھے؟ اگر کچھ پڑھا پڑھا کر مجتہد بنے تھے تو جب تک پڑھتے رہے، علم حاصل کرتے رہے ، مقلد رہے یا غیرمقلد؟ اگر وہ کسسی کے مقلد تھے تو پھر انہوں نے تقلید جو کہ مقلدین کے عقیدے کے مطابق واجب ہے، چھوڑ کر اپنا اجتہاد کیوں کر دیا۔؟

الجواب:۔
کوئی شخص نہ پیدا مجتہد ہوتا ہے نہ محدث، امام ابوحنیفہؒ تابعی یا دیگر ائمہ اپنے استاد سے ہی اجتہاد کا کورس کرتے رہے اور وہ اپنے استاد سے اس طرح ان کے استادوں میں عبداللہ بن مسعودؓ آتے ہیں اور ان کے استاد خود رسول اللہ ﷺ، سبحان اللہ عظیم ۔اور ایسا شخص اپنے سے بڑے عالم(مجتہد ) کی تقلید کرتا ہے ۔(التعلیقات السنۃ ص۹۶ بقول ابی حنیفه) اس وقت واجب تھی لیکن چونکہ ان کے مذاہب مدون نہ تھے اور نہ عمل متواتر ہوا اور امام ابو حنیفہؒ نے سب سے پہلے مذہب مدون فرمایا جس پر آج تک متواتر عمل ہے اور ایسے شاگرد تیار کیئے جو کہ قوائد میں تو انہی کی تقلید کرتے مگر مسائل میں خود استنباط جانتے تھے۔اور چاروں ائمہ کے علاوہ بھی دوسرے مذہب رہے اور اس سے مراد کوئی نیا اسلام یا دین نہیں بلکہ ائمہ یہی دین لے کر چلے صرف اجتہادی اختلاف تھا ، مسائل فروعی بعض ایسے ہیں جن پر صحابہ کا اتفاق تھا ان میں ائمہ اربعہ کا بھی اتفاق ہے، اور بعض مسائل ایسے ہیں جن میں صحابہ میں اختلاف تھا ان اختلافات میں ائمہ اربعہ نے ایک ایک پہلو کو اختیار کر لیا ہے۔جس کے بارے میں احادیث صواب دو اور خطا ایک اجر اتا ہے، اور یہ سمٹ سمٹاکر ۴ میں رہ گیا ،جس میں ہم شافعی، مالکی ، اور حنبلی کے مقابلہ میں حنفی نام سے متعرف ہیں۔
حضرت امام غزالی الشافعیؒ فرماتے ہیں تقلید تو اجماع صحابہ سے ثابت ہے کیونکہ وہ عوام کو فتوے دیتے اور عوام کو یہ حکم نہیں دیتے تھے کہ خود درجہ اجتہاد تک پونچیں، اور یہ بات ان کے علماء اور عوام کے تواتر سے مثل ضروریات کے ثابت ہے (المستصفیٰ ص٣٨٥ج٢)۔
ضرورتیات ایسی یقینی باتوں کو کہتے ہیں جن کو خاص عام سب جانتے ہیں جیسے نمازوں کی فرضیت، ایسے ہی رمضان کے روزوں کی فرضیت، ایسے ہی تواتر سے صحابہ کے دور میں تقلید کا ثبوت ہے۔،اس دور میں کسی ایک بھی غیرمقلد کا نام پیش نہیں کیا جاسکتا۔

Taqleed Aur Taqleed E Shakhsi Ka Wujoob Badeehi (Zaahir) Hai

Taqleed Aur Taqleed E Shakhsi Ka Wujoob Badeehi (Zaahir) Hai:

            Yani Ye Baat Be Daleel Tasleem Kar Leni Chhaye, Kyun Keh Ye Dono Wujoob: lizaatihi nahi hain balkeh Lighairihi hain aur jo cheez lizaatihi wajib ho us ki daleel ka mutalbah to kiya jasakta hai magar jo cheez lighairihi wajib ho us ki daleel ka mutalebah nahi karsakte. Is ke wujoob ka midair us ghair par hota hai , agar us ghair me kisi hukum ko wajib karne ki salahiyat hai to fabihaa warna qissah baalaye taaq! Isi tarah jo cheez lizaatihi mamnoo’ hoti hai us ki daleel ka to mutalebah karsakte hain magar jo cheez lighairihi mamnoo’ hoti hai us ki dalel maangna durust nahi balkeh us ghair me ghaur karna chahye, agar us ghair me hurmat ki salahiyat hai to fabihaa warna baat khatm! Jaise Aurton ka namazon ke liye masajid me jaana fii nafsihi mamnoo’ nahi hai. Masjiden mardon ki jaageer nahi hain, masajid musalmano ke liye hain aur aurten bhi musalman hain , daur e nabawi me aur aj bhi Harmain me sabhi aurten namaz ke liya masjid me jati hain . pas sabit hua keh fii had zaatihi koi mumani’at nahi .

            Albattah aurton ka namaz ke liye masaajid me jana fitne ka baa’is hai aur aurton ke badle hue ahwaal ka taqaaza yeh hai keh un ko gharon me namaz padhne ka hokum diya jaye, Tirmizi Shareef me Hazrat Ayesha Siddiqa razi Allahu anha ka irsahd aaya hai keh Aurton ke ye badle hue haalat agar Nabi Paak sallallahu alaihi wasallam ke saamne aate to aap khud un ko masjidon me aane se rok dete, jaise Moosa alaihis salam ke zamane me aur us ke baad Aurten masjidon me aati thiin phir jab un ke ahwaal bigde to baad ke ambiyaa e Bani Israil ne un ko masjidon me aane se rok diya( Hazrat Aayesha Razi Allahu anha ka qaul poora hua) is irshaad se ye baat sabit hui keh ye mumani’at lighairihi hai.

            Aur fitne ka matlab yeh hai keh teen namazen andhere me aati hain. Maghrib padh kar lautte hain to andhera hojata hai, Ishaa ki dono janib andhera hai aur Fajr ke liye jab Masjid jate hain us waqt andhera hota hai aur baaz aurton ke ghar masjid se fasle par bhi hosakte hain, aur har namaz me shauhar ya mehram masjid lane wala maujood nahi hota aur bijli ka bhi thikana nahi rehta aur aj ke naujawan mardon aur aurton ke ahwaal log jante hain. Pas ghar aur masjid ke darmiyan aane jane me fitneh ka andesha hai is ghair ki wajeh se aurton ko mana kiya jata hai.

Isi tarah samajhna chahye keh taqleeb bhi fii nafsihi wajib nahi. Kyun keh mujtahideen ke liye taqleed zaroori nahi balkeh jayaz bhi nahi, haalankeh wo bhi musalman hain balkeh taqleed ka wujoob lighairihi hai aur wo ghair deen se waqif na hona hai jab deen par amal wajib hai aur har musalman deen se waqif nahi to taqleed ke baghair chaarah kya hai, aur Allah Ta’ala ka irshad hai

< فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ>

Yani agar tum deeni baton se waqif nahi ho to deen jaanne walon se pooch, aur who jo ahkaam shar’iyyah batayen us par amal karo , yahi taqleed aur ittebaa hai.

            Isi tarah taqleed e shakhsi yani kisi Muayyin imam ki taqleed bhi fii nafsihi wajib nahi balkeh lighairihi wajib hai, daur e awwal me yani sahaba o tabaeen ke zamane me taqleed e shakhsi nahi thi job hi Aalim mil jata log us se masael poochte the aur us par amal karte the is liye keh us zamane me dilon ke ahwaal durust the. Log ikhtelaaf ki soorat me ahtiyat ka pehluu apnate the magar baad me ye soorat e haal baqi na rahi ab log Rukhsaton ke talabgaar hain ab agar muayyin imam ki taqleed wajib nahi qarar di jayegi to tashahhi ka darwazah khul jayega. Log mujtahideen ki fiqhon me se rukhsaten dhoonhenge jahan sahoolat ka qaul milega us ko lelenge pas ye deen par amal kahan hua ye to khwahish e nafs ki pairiw hui , is ghair ki wajeh se taqleed e shakhsi ko wajib qarar diya gaya hai is par daleel ka mutalebah saheeh nahi.

            Ilawah azeen nafs e taqleed ka wujoob badeehi hai kyun keh jab dunya ka koi Muamlah taqleed ke baghair anjaam nahi paasakta: Koi Sunaar taqleed ke bagahair sunaar nahi ban sakta , lohaar lohaar nahi ban sakta, science daan science daan nahi ban sakta, zindagi ki gaadi aglon ki pairwi ke baghair ek qadam aage nahi badh sakti: bachah baap ki ungli pakad kar hi chalna seekhta hai phir deen ka mamla hi aisa ghair aham kyun hogaya keh har shakhs jo chaahe kare. Haqeeqat yeh keh deen me baherhaal taqleed karni hai khwaah Aimma e Haq ki taqleed kare ya Gumrah logon ki taqleed kare, taqleed baher haal zaroori hai.