AAM ADMI MUJTAHID KO KAISE PEHCHANE?

AAM ADMI MUJTAHID KO KAISE PEHCHANE?

Baaz Hazraat ko ye aetraz hai ke
"Agar Mustafeed Jaahil hai to wo IMAM ki Maharat kaise Maloom karega? Agar Maharate Ilmi ka jayeza lesakta rah to wo us FIQH par kyu aetemad kare?"

Is Aetraz ka JAWAB IMAM GHAZALI rahmatullahi alaih ki is ibarat me mil jata hai.

"Agar ye Aetraz kiya jaye ke Aami to Auhaam par Faisle karta hai, aur Sathiyyaat se DHOKE me pad jata hai, aur baaz Auqaat Mafzool ko Afzal se Muqaddam samajhne lagta ha, lihaza agar (kisi Mujtahid ko Qabil e Taqleed qarar dene me) wo Poori Baseerat ke baghair Faisla karsakta hai to asal MASLE hi me kyu apne Zan o Guman ke Mutabiq Faisla na kare? Islye ke Ilm o Fazal ke Haqeeqi maratib pehchanane ke lye to Bade GHAMIZ(gehre) dalail ki zaroorat hoti hai, jinka idraak Awaam ka kaam nahi?

Ye Sawal paida hota hai lekin hum uske jawab me ye kahenge ke jis Shaqs ka bacha Bimar ho aur wo khud Tabeeb na ho to agar Wo Bache ko koi DAWA apni rai se pilade to usko Bila shubah Zalim, kotahi karne wala aur uske Nataij ka zimmedar kaha jayega. Lekin agar kisi Tabeeb se rujoo karle to us par kisi kotahi ka ilzam na hoga, phir agar Shahar me 2 Tabeeb hon aur dono ka Dawa tajweez karne me Ikhtelaf hojaye to us shaqs par kotahi ka ilzam us waqt ayega jab usne Dono tabeebon me se Behtar Tabeeb ki Mukhalifat ki ho aur Ek Aam Admi Tabeebon ki Maharat ka ILM MUTAWATIR KHABRON se hasil karta hai ya is tarah andaza lagata hai ke kam ilm Tabeeb us ki baat mante aur use MUQADDAM Qarar dete hon, isi tarah aur bhot si ALAMATEN hoti hain jin se ek Aam Admi bhi kisi Tabeeb ke Mahir hone ka GUMAN E GHALIB Qayam karleta hai.

Pas yahi Mamla ULAMA ke sath hona chahye ke unme se kisi Alim ke Afzal hone ka Faisla Aam Shohrat aur isi Qisam ke Doosre Qarain se kiya jata hai aur iske lye us ke ilm ki poori tehqeeq zaroori nahi hoti. Aur Aam Admi is Faisle ka AHEL hai,lihaza wo Jis Alim ko ye Guman e Ghalib afzal paye uske lye apni KHAAHISHAAT E NAFS ki bunyad par uski MUKHALIFAT durust nahi, yahi Tareekha hamare Nazdeek durust tar ha, aur Makhlooq e Khuda ko Qabu me rakhne aur unko TAQWA aur AHKAAM E SHARIYA ka paband karne ke lye Ziada Munasib haii."

[AL MUSTASFA, JILD 2 SAFHA 126]

Umeed ke ab kisi ko aetraz na hoga. Samajh na aye to 2,3 bar padhye.